Araz Əliyevlə əlaqə saxlamaq hələ də mümkün olmayıb
Yeni təsis edilmiş III Respublika Platformasının üzvü Araz Əliyev dekabrın 24-də məhkəmənin qərarıyla 25 sutka inzibati həbsə məhkum edilib.
Toplum TV xəbər verir ki, Araz Əliyevin İnzibati Xətalar Məcəlləsinin 510-cu (xırda xuliqanlıq) maddəsi ilə təqsirli bilinib.
Məhkəmənin qərarı çıxana qədər Araz Əliyevdən dekabrın 23-də saat 18 radələrindən əlaqə saxlamaq mümkün olmamışdı.
III Respublika Platformasının Araz İliyevin saxlanması ilə əlaqəxar bildirlib ki, bu, qurumun fəaliyyəti ilə bağlıdır.
“Araz Əliyevin yaxınlarına və müstəqil vəkilə çıxışı təmin edilmədən tutulması beynəlxalq insan haqları hüququnda qəti surətdə qadağan edilən inkommunikado həbsdir. Bu cür həbslər insanların azadlıq haqqının kobud və özbaşına pozuntusudur.
Bununla yanaşı, bildiririk ki, Araz Əliyevin tutulması açıq-aşkar siyasi motivlidir və Azərbaycan hökuməti siyasi motivli həbsləri dayandırmağa dair beynəlxalq hüquqi öhdəlik daşıyır”, – təşkilatın bəyanatında qeyd olunub.
Qeyd edək ki, Araz Əliyevin saxlanmasından bəri yaxınları onunla əlaqə saxlaya bilmədiklərini deyirlər.
