Azərbaycan yenə mövqelərinin atəşə tutulduğunu bildirir
Azərbaycanın Müdafiə nazirliyi Kəlbəcər və Laçın istiqamətində mövqelərinin Ermənistan silahlı bölmələri tərəfindən atəşə tutulduğunu bildirir.
Nazirliyin sentyabrın 4-də yaydığı məlumatda qeyd olunur ki, Ermənistan silahlı qüvvələrinin bölmələri sentyabrın 3-ü günorta saatlarından 4-ü səhər saatlarınadək iki ölkənin dövlət sərhədi böyunca yerləşən mövqelərindən Azərbaycan Ordusunun Kəlbəcər və Laçın rayonları istiqamətlərindəki mövqelərini müxtəlif çaplı atıcı silahlardan fasilələrlə atəşə tutub.
Məlumatdqa itki olmadığı və cavab tədbirləri görüldüyü bildirilir.
Hələki bu məlumata Ermənistan Müdafiə nazirliyinin hər hansı münasibəti yoxdur.
Son günlər tərəflər bir-birini atəşkəsi pozmaqda günahlandırlar, hər dəfə də qarşılıqlı olaraq ittihamlar rədd edilir.
