Ümumi iqtisadi xəbərlərXəbərlərYerli biznes xəbərləri
“Azərpoçt” zərərdən mənfəətə keçdi
“Azərpoçt” MMC 2022-ci ili 4 milyon 336 min manat mənfəətlə başa vurub. Halbuki, 2021-ci ildə “Azərpoçt” 5 milyon 439 min manat zərər etmişdir.
Banker.az bu barədə qurumun maliyyə hesabatına istinadən xəbər verir.
Ötən il “Azərpoçt”un poçt xidmətlərindən gəlirləri 13% artaraq 20 milyon 355 min manat, maliyyə xidmətlərindən gəlirləri 2 dəfə artaraq 23 milyon 250 min manat, digər xidmətlərdən gəlirləri isə 11% artaraq 11 milyon 280 min manat təşkil edib.
2022-ci ildə şirkətin əməliyyat xərcləri 26 milyon 494 min manat, ümumi və inzibati xərcləri 23 milyon 258 min manat, köhnələmə və amortizasiya xərcləri 4 milyon 585 min manat olub.
