Xəbərlər
Bişkekin mer müavini saxlanıldı
Bişkek şəhərinin vitse-meri Azat Uzakov korrupsiyada şübhəli bilinərək Qırğızıstan Milli Təhlükəsizlik üzrə Dövlət Komitəsinin əməkdaşları tərəfindən saxlanılıb.
“Müəyyən edilib ki, Bişkek şəhərinin vitse-meri Qırğızıstan hökumətinin tikinti, nəqliyyat və kommunikasiya şöbəsinin rəhbəri olarkən ayrıca şirkətin maraqlarını lobbi etmək üçün korrupsiya sxemi təşkil edib”, – məlumatda deyilir.
Kəşfiyyat orqanlarının məlumatına görə, şübhəli şəxs Dövlət Tikinti Komitəsinin və ölkənin Çuy vilayətinin məsul şəxsləri ilə əlbir olaraq məktəblər inşa edən tikinti şirkətlərindən birinin “maraqlarını təbliğ etməklə” məşğul olub.
