Rusiya Xarici İşlər Nazirliyinin başçısı Sergey Lavrov ABŞ-ı Koreya Xalq Demokratik Respublikası (KXDR) barəsində birtərəfli hərəkətlərdən çəkinməyə çağırıb.
Publika.az “RİA-Novosti” agentliyinə istinadən xəbər verir ki, Lavrov ABŞ-ın ehtiyatlı davranacağına ümid etdiyini deyib.
“Pxenyanın nüvə və raket sınaqları BMT Təhlükəsizlik Şurasının çoxsaylı qətnamələrinin pozulmasıdır. Amma bu heç də bildirmir ki, güc tətbiq edərək beynəlxalq hüququ pozmaq olar. Buna görə də ümid edirəm ki, birtərəfli hərəkətlər olmayacaq. Biz bunu bu yaxınlarda Suriyada gördük”, – Lavrov bildirib.
Rusiya xarici siyasət idarəsinin başçısı həmçinin ümid etdiyini ifadə etdi ki, ABŞ prezident Donald Trampın seçkiqabağı kampaniyası zamanı dəfələrlə səsləndirdiyi xətti izləyəcək.

Saytların yığılması