ÖLKƏ
Gəncə şəhərinə qazın verilməsi dayandırıldı
Bu gün Gəncə şəhərinin bir hissəsinin təbii qaz təchizatında məhdudiyyət yaranıb.
“Azəriqaz” İstehsalat Birliyinin İctimaiyyətlə əlaqələr şöbəsinin rəisi İbrahim Kərbəlayev APA-ya bildirib ki, təbii qazın verilişində məhdudiyyət iri diametrli qaz kəmərində baş vermiş sızmanın aradan qaldırılması ilə əlaqədardır.
Onun sözlərinə görə, aşkar olunmuş qaz sızmasının qarşısının alınması üçün təmir işləri aparılır.
Qaz təchizatı axşam saat 18:00 radələrində bərpa olunacaq.
