Heç bir jurnalist polisin fəaliyyətini tam tərənnüm etməyib
DİN jurnalistlər üçün yazı müsabiqəsinin nəticlərini ləğv etdi
Daxili İşlər Nazirliyi (DİN) Azərbaycan Polisinin 100 illik yubileyi münasibətilə daxili işlər orqanlarının fəaliyyətini işıqlandıran və tərənnüm edən nominasiyalar üzrə respublika müsabiqələri elan edib.
Müsabiqə 2018-ci il fevralın 28-də başlayıb, mayın 30-da başa çatsa da, nəticələr elan olunmayıb.
Qeyd edək ki, qaliblər üçün müəyyən edilən mükafat indiyədək jurnalistlər arasında keçirilən müsabiqələr arasında ən yüksəyi idi: I yer 3000 manat, II yer 2000 manat, III yer 1000 manat.
DİN-nin müsabiqə komissiyası əvvəlcə müsabiqə nəticələrinin ilin sonundək elan ediləcəyini desə də, sonradan ümumiyyətlə nəticələr ləğv edilib.
Daxili İşlər Nazirliyindən Modern.az-ın sorğusuna cavab olaraq bildirilib ki, jurnalist yazılarını dəyərləndirən komissiya üzvləri ümumilikdə daxil olan materiallardan narazı qalıb:
“Materiallar içərisində polisin fəaliyyətini tam tərənnüm edən yazılar olmayıb. Ona görə də müsabiqənin qalibləri yoxdur”.
Müsabiqənin bu cür sonluqla yekunlaşması DİN-ə yazı təqdim edən bəzi jurnalistlərin narazılığı ilə qarşılanıb.
