Dünya

İranda bir etirazçıya 3 ölüm cəzası kəsilib

Ötən ay İranda dövlət təhlükəsizlik qüvvələrinin saxladığı etirazçı Cavad Ruhiməhkəmə üç ölüm çıxarıb. Onun vəkili isə ittihamların sübutsuz olduğunu deyir.

AzadlıqRadiosunun fars xidməti Radio Fərda-nın əldə etdiyi məhkəmə sənədinə görə, Ruhinin ictimai müdafiəçisi Süleyman Vətəndost iclasda deyib ki, hadisə yerindən video Ruhinin etirazlarda iştirakını təsdiqləyir, ancaq “Yer üzündə korrupsiya daxil olmaqla ittihamlara dəlil yoxdur”.

35 yaşlı Ruhi dekabrın 11-də İranın Novşəhr şəhərində etirazlarda saxlanıb. Sentyabrın ortasında Məhsa Əmininin polisdə ölümü ölkəboyunca etirazlara səbəb olmuşdu.

Mazandaran Vilayəti Ədliyyə Departamentinin kommunikasiya idarəsi Ruhinin üç cinayətdə ittiham olunduğunu bildirir: küfr və Quranın təhqiri; dövlət əmlakının yandırılması və dağıdılması; vətəndaşları təhlükəsizliyi pozmağa sövq etmək, dövlətin təhlükəsizliyinə qarşı cinayətdə əlbirlik.

Ancaq ictimai müdafiəçi Ruhinin dövlət əmlakının yandırılmasında iştirak etmədiyini, onun vətəndaşları təhlükəsizliyi pozmağa təşviqinə sübut, Quranın təhqiri maddəsinin isə korrekt olmadığını vurğulayıb.

Ancaq məhkəmə yenə də Ruhiyə hər bir ittiham üzrə ölüm cəzası kəsib.

Eyni iş üzrə ittiham olunan Mehdi Məhəmmədifara isə iki ittihamla ölüm hökmü çıxarılıb.

Əmininin ölümündən sonra küçələrə çıxan iranlılar qadınların məcburi baş örtüyünə, rejimə etirazlarını dilə gətiriblər. Minlərlə etirazçının, o cümlədən jurnalistin, hüquqşünasın, fəalın, rəqəmsal hüquq müdafiəçilərinin saxlandığı bildirilir.

Bəzi deputatlar etirazçılara sərt cəzalar, ölüm hökmü çıxarmağa çağırıblar.

İndiyədək dörd etirazçı edam olunub, ikisinin ölüm hökmünü Ali Məhkəmə təsdiqləyib və cəzanın icrasını gözləyirlər.

İnsan haqları qrupları etirazlarda 500-dək insanın öldürüldüyünü, yüzlərlə yaralının olduğunu deyirlər.

Qərbi Sənəndəc şəhərində isə etirazlarda öldürülmüş Homan Abdullahinin 40 mərasimində rejim dəyişikliyi çağırışları səslənib.

Sosial mediada yayılmış videolarda Abdullahinin məzarı üstünə yığılmış adamlar “Şəhidlər ölmür!”, Ali dini lider Ayətullah Əli Xameneyiyə eyhamla “Diktatora ölüm!” şüarları səsləndiriblər.

21 yaşlı Abdullahi dekabrın 7-də Sənəndəcdə etirazlarda güllələnərək öldürülüb.

İranın kürd vilayətlərində insan haqları pozuntularını monitorinq edən, Norveçdə yerləşən “Hengaw” təşkilatı şahidlərə istinadla bildirib ki, Abdullahi sinəsindən vurulub, bir neçə saat sonra xəstəxanada keçinib.

Sənəndəc İranın qərbi Kürdüstan vilayətinin paytaxtıdır. Məhsa Əmini Sənəndəcə yaxın Saqez şəhərindən idi.

24 saat” “
İranda bir etirazçıya 3 ölüm cəzası kəsilib
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Dövlət qulluqçularının mükafatlarına qənaət etməyə getdilər! Qırğızıstan həmin pulla Baykarın istehsal etdiyi bütün SİHA-ları alıb.

This site uses Akismet to reduce spam. Learn how your comment data is processed.

Back to top button