Loading...
Loading...
ÖLKƏDünya

Jurnalistin mənzilinin qapısına donuz başı atılıb

“Bu, faşizmi məğlub etmiş ölkəmdə baş verir. Niyə mənzilimin qapısına altıguşəli David ulduzu çəkilməyib?”

Rusiyada hakimiyyətin qapatdığı “Exo Moskvı” radiostansiyasının baş redaktorunun mənzilinin qapısına kəsilmiş donuz başı atılıb.

“Faşizmi məğlub etmiş ölkəm…”

Əslən yəhudi olan Aleksey Venediktov mənzilinin kandarına atılmış donuz başının fotosunu “Telegram”da yerləşdirib və yazıb:

“Bu, faşizmi məğlub etmiş ölkəmdə baş verir. Niyə mənzilimin qapısına altıguşəli David ulduzu çəkilməyib?”

Naməlum vandallar mənzilin qapısına Ukrayna tridentinin üstünə qırmızı hərflərlə “Judensau” (yəhudi donuzu) sözlərinə yazılmış stiker yapışdırıb, donuzun başını isə qıvrım ağ saçlı parikin içində qoyublar. Görünür, bununla Venediktovun saç düzümünə işarə ediblər.

Exo Moskvı” niyə qapadıldı

Rusiyanın aparıcı media orqanlarından olan “Exo Moskvı”nın efiri martın 1-də kəsilib. Rusiya fevralın 24-də Ukraynanı işğal etməyə başlayandan sonra ölkədə müstəqil medianı sıxışdırıb.

Baş Prokurorluq “Exo Moskvı”nın “ekstremist fəaliyyətə, zorakılığa çağırış, Rusiyanın Ukraynada xüsusi hərbi əməliyyatı haqda məqsədli saxta informasiya” yaydığını bildirib.

“Roskomnadzor” ölkənin media qurumlarına Rusiyanın Ukraynaya hücumunu müharibə, yaxud işğal adlandırmamaqla bağlı xəbərdarlıq edib, “Ukraynada xüsusi hərbi əməliyyat” ifadəsini işlətməyi tələb edir.

Martın 5-də Prezident Vladimir Putin Rusiya ordusu haqda “saxta xəbər” yayanlara qarşı 15 ilədək həbs nəzərdə tutan qanun imzalayıb.

24 saat” “
Jurnalistin mənzilinin qapısına donuz başı atılıb
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Azərbaycan Ukrayna səsverməsində yenə iştirak etmədi

This site uses Akismet to reduce spam. Learn how your comment data is processed.

Back to top button