Köhnə sevgilisi Nazı döydü – Verilişdən sonra telekanalda KÜTLƏVİ DAVA
Zuhal Topalın aparıcılığı ilə ekrana gələn izdivac proqramında Baha adlı bəy namizəd azərbaycanlı gəlin namizəd Naza hücum edib.
Hadisəyə müdaxilə edən oğlan namizədlərlə verilişin mühafizəçiləri, texniki qrup və veriliş əməkdaşları arasında təxminən 30 nəfərin “iştirak etdiyi” bir dava meydana gəlib.
Milli.Az haberler.com-a istinadən xəbər verir ki, “Star TV”də Zuhal Topalın izdivac proqramında ötən həftə cümə günü canlı yayımdan sonra təpik-yumruq savaşı başlayıb. İddiaya görə, döyüşə studiyadakı mühafizə, texniki heyət, proqramın digər işçiləri də qarışıblar.
Qeyd edək ki, Baha gəlin namizəd Nazın Azərbaycandan olan yeni talibi Əli ilə rəqs etməsini qısqanıb studiyanı tərk etmişdi. İddiaya görə, Baha veriliş bitdikdən sonra avtomobilə minən köhnə sevgilisi Naza hücum edərək onu döyməyə başlayıb.
