class=”mediyanet-inline-adv”>

Cənubi Afrika Respublikasının Qərbi Keyp əyalətində həftə sonu baş verən güclü külək və nəhəng dalğalar böyük panikaya səbəb olub. Dalğalar sahil zolağına dəydiyi üçün küçələri su basıb və park edilmiş avtomobillər sürüklənib.
Sahildə insanlar qorxulu anlar yaşayarkən ətrafdakı evləri, restoranları və kafeləri də su basıb.
Milli Dəniz Xilasetmə İnstitutunun (NSRI) verdiyi açıqlamada, şənbə günü Corc şəhərində nəhəng dalğaların avtomobil dayanacağına dəyməsi nəticəsində 93 yaşlı qadının öldüyü bildirilib.
Milli Meteorologiya İnstitutu 3000 kilometrlik sahil xətti üçün üç günlük xəbərdarlıq edib və bölgədəki bir çox çimərliklər də bağlanıb.