Naxçıvanda Rəqəmsal İnkişaf və Nəqliyyat Nazirliyi yaradılıb
Naxçıvan Muxtar Respublikasının (MR) Rəqəmsal İnkişaf və Nəqliyyat Nazirliyi yaradılıb.
“Report”un yerli bürosunun məlumatına görə, Naxçıvan Muxtar Respublikası Ali Məclisi sədrinin müavini Anar İbrahimov bununla bağlı sərəncam imzalayıb.
Sərəncama əsasən, Naxçıvan MR-in Nazirlər Kabineti iki ay müddətində Naxçıvan Rəqəmsal İnkişaf və Nəqliyyat Nazirliyi haqqında Əsasnamənin layihəsini, habelə nazirliyin strukturu və işçilərinin ümumi say həddi barədə təkliflərini hazırlayıb Naxçıvan MR-in Ali Məclisinə təqdim edəcək.
Kabinet, həmçinin Naxçıvan Ali Məclisi sədrinin aktlarının uyğunlaşdırılması ilə bağlı təkliflərini hazırlayıb Naxçıvan Ali Məclisinə təqdim edəcək.
Bundan başqa, Nazirlər Kabineti normativ hüquqi aktların uyğunlaşdırılmasını təmin edib Naxçıvan Ali Məclisinə məlumat verəcək və bu Sərəncamdan irəli gələn digər məsələləri həll edəcək.
Mənbə:Report
