Dünya

Putin Ukraynadan ilhaq edilmiş ərazilərdə hərbi vəziyyət elan edir

Bu regionların bir hissəsi Rusiya qüvvələrinin nəzarətindədir və bu arada Ukrayna silahlı qüvvələri ölkənin şərqində işğal olunmuş ərazilərin azad edilməsi üçün əks-hücum əməliyyatı keçirir

Rusiya prezidenti Vladimir Putin Ukraynanın ilhaq olunmuş dörd vilayətində hərbi vəziyyət elan edib.

Bu regionların bir hissəsi Rusiya qüvvələrinin nəzarətindədir və bu arada Ukrayna silahlı qüvvələri ölkənin şərqində işğal olunmuş ərazilərin azad edilməsi üçün əks-hücum əməliyyatı keçirir.

Putin Təhlükəsizlik Şurasının oktyabrın 19-da onlayn formatda keçirilən müşavirəsində deyib ki, o Ukraynanın Donetsk, Luhansk, Xerson və Zaporojye vilayətlərində hərbi vəziyyət elan edən fərman imzalayıb.

Bu vilayətlər Rusiya tərəfindən qanunsuz ilhaq edilib.

Putin hərbi vəziyyət üçün hansı tədbirlərin həyata keçirilməsini deməyib, amma bildirib ki, fərman oktyabrın 20-də gecəyarısı qüvvəyə minir.

Fərman hüquq-mühafizə orqanlarına təkliflərinin təqdim olunması üçün 3 gün vaxt verir.

Moskvanın təyin etdiyi adminsitrasiya da evakuasiya olunur

Putinin bu bəyanatından əvvəl Xerson vilayətinin Moskva tərəfindən təyin edilmiş başçısı Ukraynanın əks-hücumuna görə bölgənin minlərlə sakininin təxliyə edildiyini bildirmişdi.

Vladimir Saldo oktyabrın 19-da deyib ki, son iki gün ərzində Xerson vilayətinin 5 min sakini evakuasiya edilib.

Saldo əlavə etmişdi ki, Dnepr çayının qərb sahilində yerləşən 4 şəhərdən 50-60 min mülki təxliyə ediləcək.

O bunu da demişdi ki, Xerson şəhərindən Rusiyanın təyin etdiyi işğal administrasiyası da evaksuasiya olunacaq.

Bu da hərbi cinayətdir

Dinc əhalinin işğal qüvvələri tərəfindən məcburi köçürülməsi və ya deportasiyası hərbi cinayət sayılır.

Saldonun bu bəyanatlarından əvvəl Ukraynadakı Rusiya işğal qüvvələrinin komandanı general Sergey Surovikin bildirmişdi ki, Ukraynanın cənubundakı Rusiya qoşunları çətinliklərlə üzləşib.

Lakin Kiyev oktyabrın 19-da Rusiyanı Xerson əhalisini “qorxutmaq” məqsədilə təbliğat “tamaşası” qurmaqda ittiham edib.

Xerson müdaxilənin ilk günlərində Rusiyanın işğal edə bildiyi yeganə böyük şəhərdir.

Lakin Ukrayna qüvvələri son həftələrdə bu vilayətin onlarca kəndini azad edib və cənuba doğru əks-hücumu davam etdirir.

Ukrayna qoşunları cəbhə xəttindən 30 kilometr irəliləməklə Rusiya qüvvələrini mühasirəyə düşmək təhlükəsi qarşısında qoyub.

24 saat” “
Putin Ukraynadan ilhaq edilmiş ərazilərdə hərbi vəziyyət elan edir
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Litva ‘Şoyqunun qızını’ vətəndaşlıqdan məhrum edə bilər

This site uses Akismet to reduce spam. Learn how your comment data is processed.

Back to top button