“Qərarınızı verin,ya da biz təkbaşına müdaxilə edəcəyik”
ABŞ prezidenti Donald Tramp Şimali Koreya ilə bağlı Çinə açıq mesaj verib.
Tramp “Əgər Çin Şimali Koreyaya bir həmlə həyata keçirib, onu durdurmasa, o zaman ABŞ özü bu ölkəyə müdaxilə edərək, problemi həll edəcək”, – deyə, bildirib.
Tramp deyib ki, buna görə Çin öz qərarını açıqlamalıdır: “Çin ya bizə yardım etməyə qərar verəcək, ya da yardım etməyəcək. Əgər yardım edərlərsə, bu, Çin üçün çox yaxşı olacaq. Amma əgər etməzlərsə, bu, kimsə üçün yaxşı olmayacaq. Biz Çin olmadan da Şimali Koreya problemini həll edə bilərik və edəcəyik”.
Xatırladaq ki, Şimali Koreyanın yeganə güclü müttəfiqi Çindir. Belə ki, Koreya ümumi ticarətinin 70 faizini məhz Çinlə aparır. Buna görə ABŞ hesab edir ki, ard-arda nüvə sınaqları həyata keçirərək, dünyaya fəlakət mesajları verən Şimali Koreyanı ancaq və ancaq Çin “ağrısz” durdura bilər.
