Loading...
Loading...
Dünya

Qırğızıstan ‘Z’ simvolunu qadağan edir

Qırğızıstan hökuməti bundan əvvəl 9 may günündə ənənəvi hərbi paradın keçirilməyəcəyini elan etmişdi

Qırğızıstan Rusiyanın Ukraynaya qarşı təcavüzünün rəmzinə çevrilmiş “Z” simvolundan 9 May şənliklərində istifadə olunmasını qadağan edib.

Ölkənin Dövlət Milli Təhlükəsizlik Komitəsi aprelin 21-də bildirib ki, “Z” simvolundan istifadə və ya onun nümayiş etdirilməsi “etnik nifrətin qızışdırılması” hesab olunacaq.

Rusiya ordusunun Ukraynaya müdaxilə edən hərbi texnikası “Z” hərfi ilə işarələnib.

Rusiya hərbi texnikasında “V” hərfindən də istifadə olunur, lakin Rusiyanın özündə və ondan kənarda Ukraynaya qarşı təcavüzü dəstəkləyənlər arasında “Z” daha çox populyar olub.

Qırğızıstan hökuməti bundan əvvəl 9 may günündə ənənəvi hərbi paradın keçirilməyəcəyini elan etmişdi.

Kütləvi qadağanlar

Daha əvvəl isə Qırğızıstan şəhərlərində yol polisi avtomobillərdəki “Z” simvollarını sökür və sürücüləri cərimələyirdi.

Bu həftənin əvvəllərində Moldova və Litva Rusiyanın narınçı-qara zolaqlı müqəddəs Georgi lentini, habelə “Z” simvolunu qadağan edən qanunlar qəbul ediblər.

Estoniya isə Georgi lentini, “Z” və “V” simvollarını qadağan edib.

Ötən həftə Ukrayna parlamenti də sözü gedən rəmz və simvolların paltarlarda, ictimai yerlərdə və sosial mediada nümayiş etdirilməsini yasaqlayan qanun qəbul edib.

24 saat” “
Qırğızıstan ‘Z’ simvolunu qadağan edir
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Latviya hərbi cinayətləri dəstəkləyənləri vətəndaşlıqdan çıxaracaq

This site uses Akismet to reduce spam. Learn how your comment data is processed.

Back to top button