Siyasət
Rəsmi Bakı və Tehran normallaşma prosesini müzakirə edir
Azərbaycanın xarici işlər naziri Ceyhun Bayramov və İran İslam Respublikasının xarici işlər naziri Hüseyn Əmir-Abdullahian arasında telefon danışığı baş tutub.
Toplum TV xəbər verir ki, bu barədə dekabrın 26-da Azərbaycan Xarici İşlər Nazirliyindən (XİN) bildirilib.
Məlumata görə, telefon danışığı zamanı Azərbaycan və İran arasında ikitərəfli və çoxtərəfli əməkdaşlığın gündəliyində duran məsələlər müzakirə olunub.
Həmçinin qeyd olunub ki, regionda mövcud vəziyyət, Azərbaycan-Ermənistan arasında normallaşma prosesinin perspektivləri ətrafında fikir mübadiləsi aparılıb.
Bundan əvvəl İran Xarici İşlər Nazirliyinin sözçüsü Nair Kənani Azərbaycanın Tehrandakı səfirliyinin işinin tezliklə bərpa olunacağını açıqlamışdı.