Loading...
Loading...
Cəmiyyət

Ramiz Mehdiyev onun adını hallandıran həbsdəki şirkət rəhbərinə cavab verdi: “Hər kəs…”

Prezident Administrasiyasının sabiq rəhbəri Ramiz Mehdiyev “Baku Steel Company” şirkətinin (poladəritmə zavodu) Müşahidə Şurasının sədri, 1 il 8 aydır həbsdə olan Rasim Məmmədovun onun haqqında səsləndirdiyi müxtəlif ittihamlara cavab verib.

R. Mehdiyev deyib ki, bu məsələ barədə nəsə danışmaq istəmir:

“Mənim ona sözüm yoxdur. Kim nə danışır, danışsın. Əsas odur ki, mən özüm yaxşı bilirəm ki, hərəkətim və mənəviyyatım nədən ibarətdir. Biz hüquqi dövlətdə yaşayırıq. Hər kəs törətdiyi əmələ görə cavab verəcək”.

Qeyd edək ki, “Baku Steel Company” şirkətinin sabiq rəhbəri Rasim Məmmədov sentyabrın 5-də keçirilən məhkəmə iclasında Prezident Administrasiyasının sabiq rəhbəri Ramiz Mehdiyevin cinayətin predmeti ilə bağlı əlavə şahid kimi dindirilməsini tələb edib.

Rasim Məmmədovla Mehdiyevlər ailəsi biznes ortağı, əsasən “Baku Steel Company”də birgə pay sahibi olublar. R.Məmmədov daha çox Ramiz Mehdiyevin yaxın adamı kimi tanınıb. (Unikal)

24 saat” “Ramiz Mehdiyev onun adını hallandıran həbsdəki şirkət rəhbərinə cavab verdi: “Hər kəs…”” başlıqlı yazını “Pressklub”a istinadən dərc edib

Xeberler

This site uses Akismet to reduce spam. Learn how your comment data is processed.

Back to top button