ÖLKƏDünya

Rusiya və Ukrayna iqtisadiyyatlarında azalma proqnozu

Fevralın 24-də müharibə başlamazdan öncə AYİB Ukrayna üçün 3.5 faiz, Rusiyada 3.0 faiz artım proqnozlaşdırırdı

Avropa Yenidənqurma və İnkişaf Bankı (AYİB) bu il RusiyaUkrayna iqtisadiyyatlarının uyğun olaraq 1020 faiz azalacağını bildirir. İki ölkə arasındakı müharibə son yarım əsrin “ən böyük təchizat zənciri şoku”na səbəb olub, bank qeyd edir.

Müharibədən öncəki proqnoz

Londonda yerləşən bank ötən ay Rusiya Ukraynaya hücum edəndən bəri iqtisadi proqnozunu yeniləyən ilk beynəlxalq maliyyə qurumudur.

Fevralın 24-də müharibə başlamazdan öncə AYİB Ukrayna üçün 3.5 faiz, Rusiyada 3.0 faiz artım proqnozlaşdırırdı.

AYİB-in martın 31-də bildirdiyinə görə, son proqnozlar “bir neçə aya atəşkəsin əldə olunacağı, bundan sonra tezliklə Ukraynada böyük yenidənqurma işləri başlanacağı ehtimalına əsaslanır”.

Bu halda Ukraynada 23 faizlik artım proznoqlaşdırılır.

Durğunluq ili

Ancaq Qərbin Rusiyaya ağır iqtisadi sanksiyaları artımın sıfırlanacağı deməkdir.

“Proqnozlaşdırılan gələcəkdə Rusiyaya sanksiyalar qüvvədə qalacaq, Rusiya iqtisadiyyatı 2023-cü ildə durğunluq keçirəcək. Bunun mənfi nəticələri Şərqi Avropa, Qafqaz və Orta Asiyada bir sıra ölkələrdə hiss olunacaq”, – AYİB vurğulayır.

Münaqişədəki roluna görə Qərbin sanksiyaları ilə üzləşmiş Belarusda isə bu il 3 faiz azalma, gələn il durğunluq gözlənir.

AYİB 1991-ci ildə, keçmiş sovet ölkələrinin azad bazar iqtisadiyyatına keçidinə kömək məqsədilə yaradılıb. Sonradan bank genişlənərək Yaxın Şərq və Şimali Afrikanı da əhatələyib.

24 saat” “
Rusiya və Ukrayna iqtisadiyyatlarında azalma proqnozu
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Özbəkistan naziri Ukraynaya dəstək bildirəndən sonra…

This site uses Akismet to reduce spam. Learn how your comment data is processed.

Back to top button