“SAB” ölkənin aparıcı distributor şirkəti ilə əməkdaşlıq müqaviləsi imzaladı
®1998-cı ildə yarandığı gündən bəri öz keyfiyyətli məhsulları ilə seçilən, o cümlədən Azərbaycanın ilk halal kolbasa və süd məhsulları istehsalçılarından biri olan “SAB” brendi (“Zəhmət-Ruzi” MMC) artıq 25 ildir ki, qida sektorunda öz aparıcı mövqeyini qoruyur. Yarandığı gündən ekoloji təmiz və halal xammaldan istifadə etməklə, habelə istehsal etdiyi məhsul çeşidləri ilə milyonlarla insanın əvəzolunmaz brendinə çevrilmişdir.
“SAB”-ın uğurlu brend olmağının ən mühüm meyarı fəaliyyətlərinin davamı olaraq yeni sahələrdə marka kimliyini eyni ardıcıllıqla daşımaq və markanın ortaq imicini çoxşaxəli məhsullara əks etdirməkdir. Bildiyiniz kimi, ət məhsulları ilə bazara daxil olan “SAB”, zamanla qida sənayesinin müxtəlif sahələrində də iri addımlar atmışdır. Belə ki, fəaliyyətdə olduğu ötən illər ərzində ət məhsulları ilə yanaşı eyni zamanda süd məhsulları istehsalçısı olaraq ölkə bazarında dadına, keyfiyyətinə, habelə çeşidlərinə görə birincilikdə yer alıb.
Ölkənin aparıcı istehsalçılarından biri kimi Azərbaycan İstehlakçılarının Qida Təhlükəsizliyi Nişanı (AİQTN) proqramının tələblərinə tam uyğun məhsulları ilə tanınmış “SAB” brendinin keyfiyyətli və təbii xammaldan istifadə edərək hazırladığı süd məhsulları artıq süfrələrinizin bəzəyinə çevriləcək. Sağlam və yüksək keyfiyyətli təbii süddən hazırlanmış kərə yağı, qədim və ənənəvi üsullarla hazırlanmış Gəncə və İrəvan dovğası, o cümlədən müxtəlif bölgələrə məxsus çoxçeşidli qatıq, şor, kəsmik, pendir çeşidləri, və ayran məhsullarını ölkə əhalisinə artıq yenidən təqdim edir.
Bu məqsədlə, “SAB” brendi ilə tanınan “Zəhmət-Ruzi” MMC ilə ölkənin aparıcı distributor şirkətlərindən biri olan “Şam-Fi İnterneşnl Tredinq Kompani” MMC arasında əməkdaşlıq müqaviləsi imzalanmışdır. Müqaviləyə əsasən, “SAB” Süd məhsullarının satışının həyata keçirilməsi “ŞAM-Fİ” şirkətinə həvalə olunmuşdur. Qeyd edək ki, “Şam-Fi İnterneşnl Tredinq Kompani” MMC 2004-cü ildən fəaliyyət göstərir. İlk zamanlar topdan satış mərkəzi kimi fəaliyyətə başlayan şirkət qısa zamanda inkişaf edərək yüksək səviyyəli xidməti ilə seçilən müasir ticarət şirkətinə çevrilmişdir. Qeyd edək ki, Rusiya, Ukrayna, Almaniya, Hollandiya, Fransa, İtaliya, Belçika, Misir və Türkiyə kimi ölkələrin 60-dan çox məşhur brendlərinin Respublikamızın bütün bölgələrində satışını təşkil edən, o cümlədən Azərbaycanda qabaqcıl distributor şirkətləri sırasında ilk beşlikdə yer alan Şirkət, süd və süd məhsullarının, meyvə suyu, duru yağ, makaron, şirniyyat, paketlənmiş quru meyvələr, dərmanlar, konservləşdirilmiş qidalar, ofis ləvazimatları, kosmetika və təmizlik məhsulları kimi bir çox məhsul çeşidlərinin ölkəmizdəki rəsmi distributorudur. Qida sferasında 20 ilə yaxın satış təcrübəsinə malik, təchizat zəncirinin idarəedilməsi, məhsulların daşınması və paylanılması üzrə, habelə 120-dən çox beynəlxalq standartlara cavab verən irihəcmli avtomobillərə sahib olan “ŞAM-Fİ” şirkəti ilə əməkdaşlıq nəticəsində “SAB” öz məhsullarının bütün ölkə üzrə əlçatanlığına nail oldu. Sözügedən əməkdaşlıq “SAB” ailəsinin və dəyərlərinin daha da böyüməsinə böyük töhvə vermiş oldu.
Ləziz dadı ilə seçilən ət və süd məhsulları bütün ailə üzvlərini bir araya toplayan “SAB”, sağlam məhsullar ilə hər zaman süfrələrinizi bəzəyəcək.
Övladlarınızın sağlam qidanlanması, sağlam gələcək deməkdir.
