Tehrandan açıqlama: İran-Azərbaycan münasibətləri yaxşı səviyyədədir
“İran və Azərbaycan arasında əməkdaşlıq və dialoq inkişaf edir”
Toplum TV IRNA-ya istinadən xəbər verir ki, bunu noyabrın 27-də İran Xarici İşlər Nazirliyinin sözçüsü Nasir Kənani brifinq zamanı deyib.
Onun sözlərin görə, iki ölkə arasında münasibətlər yaxşı səviyyədədir.
“İranla Azərbaycan arasında siyasi, iqtisadi və hərbi sahədə əməkdaşlıq və dialoq inkişaf edir. Ümid edirik ki, bu əməkdaşlıq ümumi maraqlar çərçivəsində davam edəcək. Hər iki tərəfin belə iradəsi var”, – Kənani açıqlamasında vurğulayıb.
Qeyd edək ki, bu ilin yanvarında Tehrandakı Azərbaycan səfirliyinə edilən hücumdan sonra Azərbaycan Republikasının bu ölkədəki səfirliyinin diplomatik fəaliyyəti dayandırılıb. İran tərəfi dəfələrlə Azərbaycanın səfirliyin diplomatik fəaliyyətini bərpa etməsiylə bağlı çağırış etsə də, Bakı hələ də bu addımı atmayıb.