Loading...
Loading...
Dünya

Ukrayna ordusu cənubda hücuma keçdiyini bildirir

Son bir həftədə Rusiyanın 10-dan çox sursat anbarının vurulduğu bildirilir

Ukrayna silahlı qüvvələri ölkənin cənubunda bir neçə cəbhədə hücuma keçdiyini bildirir. Ordunun sözçüsü Xerson vilayətinin Rusiya işğalçı qüvvələrindən geri alınması üçün çoxdan gözlənən əkshücuma başlandığını açıqlayıb.

“Bu gün müxtəlif istiqamətlərdə, o cümlədən Xerson vilayətində hücuma başladıq”,Ukraynanın “Suspilne” ictimai televiziyası cənub komandanlığının sözçüsü Natalya Humenyuka istinadla xəbər yayıb. O, daha sonra brifinqdə bu xəbəri təsdiqləyib.

Rusiya fevralın 24-də işğala başlayandan az sonra Ukraynanın cənubunda bəzi əraziləri ələ keçirib. Ukrayna bir neçə həftədir həmin ərazilərin geri alınması üçün böyük əkshücum aparacağını deyir, Qərb istehsalı olan uzaqmənzilli silahlarla Rusiyanın təchizat xətlərini vurur.

Humenyukun sözlərinə görə, Rusiyanın cənubdakı logistika marşrutlarına Ukraynanın son zərbələri “düşməni sözsüz zəiflədib”. O, son bir həftədə Rusiyanın 10-dan çox sursat anbarının vurulduğunu deyib.

Ancaq sözçü yeni hücumun detallarını açıqlamayıb.

“İstənilən hərbi əməliyyata sükut lazımdır”, – deyən Humenyuk Rusiyanın cənubdakı qüvvələrinin “çox güclü” olduğunu, onların uzun müddətdir orada möhkəmləndiyini sözlərinə əlavə edib.

Nova Kaxovkada evakuasiya

Rusiyanın vilayətə təyin etdiyi məmurlar avqustun 29-da Nova Kaxovka yaxınlığındakı sakinlərin iş yerlərindən bomba sığınacaqlarına köçürüldüyünü elan edib. Ukraynanın şəhərə raket zərbələri endirdiyi açıqlanıb.

Moskvanın 2014-cü ildə ilhaq etdiyi Krım vilayətinə təyin etdiyi lider Sergey Aksyonov isə Ukraynanın Xersona əkshücumla bağlı dediyini “saxta” adlandırıb, Ukrayna qüvvələrinin cənubda və digər yerlərdə ağır itkilər verdiyini iddia edib.

24 saat” “
Ukrayna ordusu cənubda hücuma keçdiyini bildirir
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Aİ Moskvayla sadələşdirilmiş viza sazişini dayandıra bilər

This site uses Akismet to reduce spam. Learn how your comment data is processed.

Back to top button