Vasitə kütlənin içinə sürdü, 7 nəfər yaralandı! İsrailin danışdığı hadisə…
2023-07-04 17:53:43
İsrail ordusunun işğal altındakı İordan çayının qərb sahilindəki Cenin şəhərinə intensiv hücumları davam edərkən, paytaxt Təl-Əvivdə də gərginlik artıb. Şəhərin Pinchas Rosen küçəsində yerləşən ticarət mərkəzinin qarşısındakı səkidə avtomobil piyadaların üstünə çıxıb.
Daha sonra sürücü maşından düşərək əlindəki bıçaqla ətrafdakı insanlara hücum edib. İsrail mətbuatında sürücünün mülki şəxs tərəfindən vurularaq öldürüldüyü bildirilib.
Hadisəni terror aktı kimi xarakterizə edən İsrail polisi hücumda 7 nəfərin yaralandığını, onlardan 4-nün vəziyyətinin ağır olduğunu açıqlayıb. Yerli mənbələrdən verilən açıqlamada 23 yaşlı sürücünün fələstinli olduğu bildirilib.
Fələstin Səhiyyə Nazirliyinin açıqlamasına görə, İsrailin Cenin şəhərindəki hücumlarda ölənlərin sayı 10-a yüksəlib, 20-si ağır olmaqla 100 nəfər yaralanıb.
Tərcümə“24 SAAT”