“Xəzər” TV-nin aparıcısından müğənni xanıma qarşı nalayiq ifadə – VİDEO
“Xəzər” TV-də yayımlanan “5 də 5” verilişində aparıcı ilə qonaqların dialoqu qınağa səbəb olub.
24saat.org baku.ws-ə istinadən xəbər verir ki, aparıcı Zaur Kamal verilişin qonağı olan müğənni Damla və meyxanaçı Pərviz Bülbülə arasında efir etikasına sığmayan dialoq baş tutub. Aparıcının xanım müğənniyə qarşı dediyi qeyri-etik sözlər sosial şəbəkədə müzakirə edilib. Xanım müğənni aparıcının dediyi bütün sözlərə sadəcə susmaqla cavab verib.
Görüntülərə dair Xəzər TV açıqlama verib: Verilişin sözügedən buraxılışı yanvar ayının 5-də efirə gedib. Ancaq həmin dialoq efirə buraxılmayıb. Lakin sosial media və bəzi saytlarda sözügedən dialoq efirdə yayımlanmış kimi qələmə verilib.
“”Xəzər TV”nin efirində belə bir dialoq yayımlanmayıb və televiziyamız “Ailəmizin və ailənizin Xəzəri” devizinə uyğun olaraq efir siyasəti aparır.
Buraxılışın efirə verilməsindən üç həftə sonra mövzunun gündəmə gətirilməsini “Xəzər TV”nin nüfuzunun gündən-günə artmasından kimlərinsə narahat olması kimi qiymətləndiririk.
