Loading...
Loading...
ÖLKƏDünya

Zelenski BMT-də Rusiyanın hərbi cinayətlərindən danışacaq

Almaniya və Fransa baş verənlərə Rusiyanın onlarla diplomatını qovmaqla reaksiya verib, onların casus olduğunu bildirir

Aprelin 5-də Ukrayna Prezidenti Volodimir Zelenski BMT-nin Təhlükəsizlik Şurasında çıxış edəcək. Onun Buça şəhərindəki “hərbi cinayətlər” və “soyqırım”a görə Rusiyaya sərt sanksiyalar tələb edəcəyi gözlənir. Bu ifadələri Zelenski dünən paytaxt Kiyev yaxınlığındakı Buçaya səfər zamanı işlədib.

Ukrayna rəsmiləri Rusiya əsgərləri çəkiləndən sonra orada dinc sakinlərin meyitlərinin aşkarlandığını, çoxunun həyətlərdə, küçələrdə, evlərdə qətlə yetirildiyini deyirlər.

Yerə səpələnmiş, bəzilərinin əli arxada bağlı olan meyit fotoları dünyanın Rusiyanı qınamasına səbəb olub.

ABŞ Prezidenti Co Bayden Rusiya lideri Vladimir Putinin hərbi cinayətlərə görə mühakimə etməyə çağırıb.

“Bu adam qəddardır… Buçada baş verənlər hiddət doğurur”,Bayden aprelin 4-də deyib.

Reaksiyalar

Almaniya və Fransa baş verənlərə Rusiyanın onlarla diplomatını qovmaqla reaksiya verib, onların casus olduğunu bildirir. Avropa İttifaqı isə iddia olunan vəhşiliklər fonunda Rusiyaya qarşı yeni sanksiyaları müzakirə etməyə başlayıb.

Moskva qətllərlə bağlı iddiaları rədd edir. Kremlin bir sıra rəsmiləri deyilənləri Rusiyanı nüfuzdan salmaq məqsədi güdən “provokasiya” adlandırıb.

Kremlin sözçüsü Dmitri Peskov deyib ki, “Ukraynanın provokasiyaları”nı müzakirə etməkdən ötrü BMT Təhlükəsizlik Şurasının iclasının keçirilməsini xahiş edib.

“Maxar Technologies” şirkətinin martın ortasında çəkdiyi peyk təsvirlərində isə Buça küçələrində meyitlər görünür. Bu isə meyitlərin Rusiya qüvvələri şəhərdən martın 30-dan çıxandan sonra peyda olmasıyla bağlı iddiaları təkzib edir.

24 saat” “
Zelenski BMT-də Rusiyanın hərbi cinayətlərindən danışacaq
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Gecə klubunda partlayışa görə 3 nəfər həbs edilib

This site uses Akismet to reduce spam. Learn how your comment data is processed.

Back to top button