SEÇMƏ

“300 manatla əlilliyi olan şəxs necə yaşasın?”

Yayımlandı: 4 Dekabr 2022 00:03

Beynəlxalq Əlillər Günü ilə bağlı “Əlilliyi olan şəxslər və inklüziv əmək bazarı” mövzusunda konfrans keçirilib. Əlilliyi olanların hüquqlarını müdafiə edən Məhəmməd Kekalov yada salır ki, qanuna görə əlilliyi olanların işlə təmin olunması üçün bəzi müəssisələrdə kvota ayrılıb, amma praktikada işə götürənlər kiçik məbləğdə cərimə ödəməklə bu məsuliyyətdən azad ola bilir.

Sosial sahibkarlıqla məşğul olan Kəmalə Sultan müəllimlik üzrə təhsil almasına baxmayaraq, təhsil müəssisələrində əlilliyi olan şəxslər üçün infrastruktur qurulmadığından öz ixtisası üzrə işləyə bilməyib.

Məhəmməd Kekalov həmçinin bildirir ki, əlilliyi olanlar işlə təmin olunmasa, dövlətin pensiyasının ümidinə qalır. Bu da ehtiyaclarını qarşılamaq üçün yetərli olmur.

Rəsmi statistikaya əsasən Azərbaycanda 600 mindən çox əlilliyi olan şəxs var. Məhəmməd Kekalov hesab edir ki, bu rəqəm pensiya alanların sayına görə müəyyənləşir. Reallıqda isə ölkədə əlilliyi olan şəxslərin sayı rəsmi statistikadan çoxdur.

Meydan TV

Gözdən qaçırmayın:  Saakaşvili ilə bağlı tibbi rəy: “10 diaqnoz məhbəslə ziddiyyət təşkil edir”

This site uses Akismet to reduce spam. Learn how your comment data is processed.

Back to top button