2023-03-14 17:34:01
ABŞ, Böyük Britaniya və Avstraliyanın nüvə enerjisi ilə işləyən sualtı qayıqlardan ibarət donanma yaratmaq qərarı Çinin reaksiyası ilə qarşılanıb. Çin Xarici İşlər Nazirliyinin sözçüsü Vanq Venbin mətbuat konfransında deyib: “Bu, yalnız silahlanma yarışını sürətləndirəcək, beynəlxalq silahların yayılmaması sistemini sarsıdacaq və regional sülh və sabitliyə zərər verəcək tipik Soyuq Müharibə zehniyyətidir”.
Üç ölkənin öz geosiyasi maraqları üçün beynəlxalq ictimaiyyətin narahatlığını görməməzlikdən gəldiyini ifadə edən Vanq, “Onlar yanlış və təhlükəli yolda irəliləməyə davam edirlər” dedi.
ABŞ prezidenti Co Bayden, Böyük Britaniyanın baş naziri Rişi Sunak və Avstraliyanın baş naziri Entoni Albanese dünən Kaliforniya ştatının San Dieqo şəhərində görüşüblər. Görüşdən sonra verilən açıqlamada, Çinin Hind-Sakit Okeandakı gücünü məhdudlaşdırmaq üçün Avstraliyanın nüvə sualtı qayığına sahib olması və bu sahədə texnologiya paylaşması ilə bağlı razılaşma əldə edildiyi bildirilib. Razılaşma çərçivəsində üç ölkənin yeni nəsil sualtı qayıq SSN-AUKUS-u birgə istehsal edəcəyi, Avstraliya və İngiltərənin isə bu sualtı qayıqlardan istifadə edəcəyi bildirilib.
ABŞ prezidenti Bayden, Çinin nüvə silahı ittihamları ilə bağlı verdiyi açıqlamada sualtı qayıqların nüvə silahı ilə təchiz edilməyəcəyini, nüvə enerjisi ilə işləyəcəyini bildirib.
Tərcümə“24 SAAT”