2023-01-23 10:28:07
72 yaşlı şübhəli Huu Can Tran hücumdan 12 saat sonra Monterey Parkından təxminən 48 kilometr aralıda, Torrance şəhərində ağ furqonda ölü tapılıb.
Polis Huu Can Tranın təhlükəsizlik qüvvələrinin əvvəlcə mühasirəyə aldıqdan sonra içəri girdiyi mikroavtobusda yarı avtomatik tapança ilə özünü vurduğunu açıqlayıb.
Monterey Parkındakı hücumun səbəbi hələlik məlum deyil. Polis Huu Can Tranın hücumdan sonra qaçdıqdan sonra Əlhambra şəhərində başqa bir rəqs klubunu hədəf almağa çalışdığını bildirib.
Məlum olub ki, Əlhambrada camaat Huu Can Tranın əlində silahı götürüb, lakin Huu qaçıb. Şənbə günü yerli vaxtla saat 22.20-də Monterey Parkında təşkil edilən hücumdan əvvəl Çin təqviminə görə yeni ili qeyd etmək üçün şəhərdə keçirilən festivala minlərlə insan qatılıb.
class=”medianet-inline-adv”>
Hücumdan sonra bütün şənliklər ləğv edilib. Los-Ancelesdən 11 kilometr şərqdə yerləşən Monterey Parkının təxminən 60.000 əhalisi var.
Asiyalı amerikalılar şəhər əhalisinin təxminən 65 faizini təşkil edir. Hücum Kaliforniyanın müasir tarixində ən qanlı hücumlardan biri kimi qeydə alınıb.
1984-cü ildə ştatın San Dieqo yaxınlığındakı San Ysidro şəhərində McDonald’s restoranına edilən hücumda 21 nəfər həlak olmuşdu.
Tərcümə“24 SAAT”