Çərşənbə günü Bayden administrasiyası Husi üsyançılarının Qırmızı dənizdə ticarət gəmilərinə hücumu fonunda onları “xüsusi qlobal terror qrupu” elan edib.

Dövlət Departamentinin mətbuat katibi Metyü Miller Turan-ın suallarını cavablandırarkən bildirib ki, ABŞ kommersiya gəmilərinə hücumlara son qoyulması üçün husiləri razı salmağa davam edəcək və əgər onlar bunu başa düşməsələr, ABŞ əlavə tədbirlər görməyə hazırdır.

Qırmızı dənizdə Husi hücumlarının Qəzza zolağındakı müharibə ilə əlaqəli olduğunu bildirən İranın xarici işlər nazirinin son bəyanatlarından danışan Miller deyib ki, bu iddialar “absurddur”, çünki  husilərin hücum etdikləri ticarət gəmiləri İsrail və ya Amerika gəmiləri deyil.

Saytların yığılması

“Odur ki, İrana da mesaj beynəlxalq sularda silahsız mülki gəmilərə hücum edən husilərə mesayla eynidir ki, bunun Qəzza münaqişəsilə heç bir əlaqəsi yoxdur və biz bu hücumları dayandırmaq üçün lazım olan hər şeyi edəcəyik.

Eskalasiya İranın maraqlarına uyğun deyil və o, öz tərəfdarlarına çox aydın bir siqnal göndərməlidir ki, onlar bütün bölgədəki qeyri-sabitliyi qızışdırmağa son qoysunlar”, – Miller hədələyib.