2023-01-09 12:17:05
Almaniyadakı türklər 40 ildən artıqdır gözlədikləri ikili vətəndaşlıq arzusuna ilk dəfədir ki, bu qədər yaxınlaşıblar.
Son illərdə orta hesabla 13 min Türkiyə vətəndaşının Almaniya vətəndaşlığı aldığı təxmin edilir. İkili vətəndaşlıq müraciəti olmadığı üçün Almaniya vətəndaşlığını alanlar Türkiyə vətəndaşlığından imtina etməlidirlər.
Almaniyada yaşayan türklərin illərdir gözlədiyi xəbər gəlib.
Koalisiya hökumətinin Almaniya vətəndaşlığına keçid şərtlərinin asanlaşdırılması və “ikili vətəndaşlıq” yolunun tamamilə açılmasını ehtiva edən qanun layihəsini təsdiq üçün müvafiq nazirliklərə göndərdiyi açıqlanıb.
Hazırda qüvvədə olan Vətəndaşlıq Qanununa görə, Almaniya vətəndaşlığına müraciət etmək üçün Almaniyada qanuni olaraq 8 il yaşamaq lazımdır. Layihədə bu müddət 5 ilə endirilib.
class=”medianet-inline-adv”>
ALMANİYADA DOĞANLARA VƏTƏNDAŞLIQ VERİLƏCƏK
Qanun layihəsi qəbul olunarsa, valideynlərdən biri ən azı 5 il Almaniyada yaşayırsa, onların burada doğulan övladlarına anadangəlmə Almaniya vətəndaşlığı veriləcək.
Almaniyada 3,5 milyona yaxın türk əsilli insan yaşayır. 2000-2020-ci illər arasında Türkiyə Respublikasının təxminən 700 min vətəndaşı Almaniya vətəndaşlığını qəbul edib.
Bundan əlavə, qanun layihəsi ilə 2019-cu ildə tətbiq edilən “Alman yaşayış şəraitinə uyğunluq” tələbi də qaldırılacaq.
FÜRSƏTDƏN SƏRT REAKSİYA
Müxalifət qanun layihəsini sərt tənqid edir. Əsas müxalifətdə olan Xristian Demokrat/Xristian Sosial Birlik Partiyaları (CDU/CSU) hökuməti “Alman pasportunu dəyərsizləşdirməkdə” ittiham edir.
CSU-nun baş katibi Martin Huber Almaniya vətəndaşlığı şərtlərinin yüngülləşdirilməsinə qarşı olduqlarını açıqlayıb.
CDU Bundestaq Qrupunun rəhbəri Alexander Dobrindt deyib: “Almaniya vətəndaşlığına keçidin asanlaşdırılması uyğunlaşmaya kömək etmir. Əksinə, bu, qeyri-qanuni immiqrasiyaya təkan verir”.
Tərcümə“24 SAAT”
