SEÇMƏ

Argentina millisi dünya çempionatında növbəti mərhələyə yüksəlib

Yayımlandı: 1 Dekabr 2022 01:07

Fransa mundialda ilk məğlubiyyətini yaşayıb

Noyabrın 30-da futbol üzrə dünya çempionatının qrup mərhələsində 3-cü turun daha dörd oyunu keçirilib.

Bu turadək C qrupunun lideri olan Polşa ikinci sıradakı Argentina millisi ilə üz-üzə gəlib. Görüş cənubi amerikalıların qələbəsi ilə yekunlaşıb – 2:0. Qrup liderliyini təmin edən argentinalılar növbəti mərhələyə adlayıb.

Qrupun digər matçında Səudiyyə Ərəbistanı yığması Meksika ilə qarşılaşıb. Meksikalılar ərəbləri 2:1 hesabı ilə məğlub etsələr də, qrupdan çıxa bilməyiblər. Argentina ilə yanaşı, C qrupundan növbəti mərhələyə Polşa yığması yüksəlib.

Yeri gəlmişkən, Argentina 1/8 finalda Avstraliya ilə, Polşa isə Fransa ilə qarşılaşacaq.

Xal: Argentina – 6, Polşa – 4, Meksika – 4, Səudiyyə Ərəbistanı – 3

D qrupunda pley-offa vəsiqəni təmin edən Fransa millisi mundialda ilk məğlubiyyətini yaşayıb. Amma Tunis yığması fransalılar üzərindəki minimal hesablı qələbəyə rəğmən, turnirin 1/8 final mərhələsinə vəsiqə qazana bilməyib.

Qrupun digər matçında Avstraliya yığması Danimarka ilə münasibətlərinə aydınlıq gətirib. Avstraliya 1:0 hesablı qələbə sayəsində adını 1/8 final mərhələsinin iştirakçılarının siyahısına yazdırıb.

Daha əvvəl Fransa, Portuqaliya, Braziliya, Niderland, Seneqal, İngiltərə və ABŞ milli komandaları mundialın 1/8 finalına yüksəlmişdi.

Xal: Fransa – 6, Avstraliya – 6, Tunis – 4, Danimarka – 1

DÇ-2022, 3-cü tur

1 dekabr

F qrupu
19:00. Xorvatiya – Belçika (“Ahmad Bin Ali” stadionu)
19:00. Kanada – Mərakeş (“Al Tumama” stadionu)

E qrupu
23:00. Yaponiya – İspaniya (“Xalifa” stadionu)
23:00. Kosta-Rika – Almaniya (“Al Bayt” stadionu)

Meydan TV

Gözdən qaçırmayın:  “Nərmin işi”ndə aparıcı Zaur Baxşəliyevin dindirilməsi istənilir

This site uses Akismet to reduce spam. Learn how your comment data is processed.

Back to top button