2022-11-29 12:52:01
Avropa İttifaqı Komissiyasının təbii qaza meqavat/saat üçün tavan qiymətinin 275 avro təyin edilməsi təklifini müzakirə etmək üçün bir araya gələn Aİ-nin enerji nazirləri yenə də yuxarı həddə razılaşa bilməyiblər.
27 üzvlü blokun təkliflə bağlı fikir ayrılığı olduğu halda, Polşa qışın özünü hiss etdirməyə başladığına diqqət çəkərək Almaniyanı hədəfə aldı.
AB-də “tavan qiymət çatlaması” dərinləşdikcə, hesabat Aİ-nin acizliyini ortaya qoydu.
Financial Times (FT) qəzetində yer alan xəbərə görə, Ukrayna müharibəsindən bəri Rusiya qazından asılılığını azaltmaq üçün yol axtaran Aİ rekord qırıb.
FT-nin hesabatına görə, Rusiyanın Avropadan mayeləşdirilmiş təbii qaz (LNG) idxalı 2022-ci ildə rekord qırıb.
Avropa İttifaqı 2022-ci ilin yanvar-oktyabr aylarında Rusiyadan mayeləşdirilmiş təbii qaz idxalını hər il 42 faiz artırıb. İdxalçılar siyahısında ilk yerləri Belçika, Fransa, İspaniya və Hollandiya tutub.
KREMLDƏN Aİ-YƏ
Aİ-nin Rusiya qazı üçün tavan qiyməti təyin etmək səyləri davam edərkən, Kremlin sözçüsü Peskovdan Aİ-yə hədə-qorxu kimi xəbərdarlıq gəldi.
Peskov bildirib ki, Rusiya öz enerji resurslarını qiymət həddi təyin edənlərə satmamaqda qərarlıdır. Rusiya mətbuatı bu qərarı Rusiya prezidenti Vladimir Putinin oktyabrın ortalarında elan etdiyini vurğulayıb.
Hesabatda Avropanın bu ilin yanvar-oktyabr ayları arasında qlobal bazardan 111 milyard kubmetr LNG idxal edərək idxal həcmini 70 faiz artırdığına dair məlumatlar da yer alıb.
PESKOVDAN PUTİN MESAJI!
Bu vəziyyəti vurğulayan Peskov, “Biz hərəkətlərimizi prezident Putinin bu cür ölkələrlə neft və neft məhsulları və ya qaz alveri etməyəcəyimizlə bağlı bəyanatı əsasında qururuq” dedi.
Rusiyanın “Qazprom” şirkəti aprel ayında tədarük etdiyi qazın əvəzini rublla ödəməkdən imtina edən GasTerra-ya təbii qaz axınını dayandıracağını açıqlamışdı.
GasTerra isə rubl ödənişləri ilə bağlı açıqlama verərək, Qazpromun Rusiya təbii qazı üçün ödəmə öhdəliklərinin yerinə yetirilməyəcəyini bildirib.
Qazprom bundan əvvəl rublla ödəməkdən imtina edən Finlandiyaya qaz nəqlini də kəsmişdi.
SİYAHIDA HANSI ÖLKƏLƏR VAR?
Putinin imzaladığı fərmanla ötən həftələrdə “dost olmayan ölkələr” siyahısı rəsmiləşdi.
Rusiya hökumətinin açıqladığı siyahıya ABŞ və bütün Aİ ölkələri daxil edilib.
Ukrayna, Monteneqro, İsveçrə, Albaniya, Andorra, İslandiya, Lixtenşteyn, Monako, Norveç, San Marino, Şimali Makedoniya, həmçinin Yaponiya, Cənubi Koreya, Avstraliya, Mikroneziya, Yeni Zelandiya, Sinqapur və Tayvan da siyahıda yer alıb.
Tərcümə“24 SAAT”
