Bakı/05.01.24/Turan: Yanvarın 4-də Avropa İttifaqının Azərbaycandakı nümayəndəliyinin rəhbəri Peter Mixalko Milli Şuranın Koordinasiya Mərkəzinin və Müsavat Partiyasının həbsdə olan üzvü Tofiq Yaqublunun qızı Nigar Həzi ilə görüşüb.

Nizag Həzi facebook səhifəsində yazıb: “Tofiq Yaqublu və digər siyasi məhbuslar barədə geniş söhbət etdik. Çox yaxşı görüş keçdi”.

Demokratik Qüvvələrin Milli Şurasının Koordinasiya Mərkəzinin və Müsavat Partiyasının üzvü Tofiq Yaqublu dekabrın 14-də həbs edilib. Ona qarşı Cinayət Məcəlləsinin 178.3.2 (külli miqdarda ziyan vurmaqla dələduzluq), 320.1-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama və ya satma) və 320.2-ci (bilərəkdən saxta sənədlərdən istifadə etmə) maddələri ilə cinayət işi başlanıb.

Saytların yığılması

Siyasətçi bundan öncə də dəfələrlə cinayət və inzibati təqiblərə məruz qalıb. Beynəlxalq təşkilatlar onu vicdan məhbusu kimi tanıyıb.

Son günlərdə ölkədə 8 jurnalist həbs edilib.-03-