Avtobuslarda havalandırma sistemi Bakının ənənəvi mövzularından biridir. Lakin bəzi sürücülərimiz bu “ənənəvi”liyə bir müasirlik də qatıblar. Onlar iddia edirlər ki, axşam saat 8-dən sonra kondisioner yandırmaq qadağandır (ya da günahdır).

Halbuki Bakı Nəqliyyat Agentliyi may ayının əvvəlində paytaxtda müntəzəm sərnişindaşıma fəaliyyəti göstərən şirkətlərə yay mövsümünə keçidlə əlaqədar zəruri tədbirlərin görülməsi üçün xəbərdarlıq məktubu göndərib.

O zaman suçlu kimdir?

Saytların yığılması

Bakı Nəqliyyat Agentliyinin mətbuat katibi Mais Ağayev Musavat.com-a bildirdi ki, qeyd etdiyimiz hal araşdırılacaq. Bununla bağlı xətt üzrə daşıyıcı Agentliyə çağırılacaq: “Avtobusların hər biri – istər “BakuBus”, istərsə də digər marşrut xətləri daşıyıcıların balansındadır. Yəni ayrı-ayrı daşıyıcıların, operatorların istismarında olan xətlərdir. Hansı daşıyıcının istismarında olan avtobusda sərinləndirmə sistemi varsa, onlar işə salınmalıdır, xüsusilə isti hava şəraitində. Sərinləndirmə sistemi sərnişinlərin rahatlığı üçündür, onların normal fəaliyyətini təmin etmək də daşıyıcıların məsuliyyətindədir”.