Gündəm
Azərbaycanda yaşayan pravoslavlar Pasxanı qeyd edirlər
Bu gün, aprelin 16-sı xristian dünyası Pasxa bayramını qeyd edir.
Dini inanca görə, Pasxa İsa peyğəmbərin çarmıxa çəkilməsindən üç gün sonra dirilməsi münasibətilə qeyd edilən xristian bayramıdır.
Katoliklər, lüteranlar və pravoslavlar hər il Pasxa bayramını müxtəlif tarixlərdə qeyd edirlər. Çünki bayramların tarixinin hesablanması prinsipləri fərqlidir.
Az-az hallarda bütün xristianların bu bayramı eyni gündə qeyd etməsinə rast gəlinir. Bu il də bütün xristian dünyası bu dini bayramı eyni gündə, aprelin 16-da qeyd edirlər. Bu bayram el arasında Qızıl yumurta bayramı kimi də tanınır.
Prezident İlham Əliyev Azərbaycanın pravoslav xristian icmasını bayar münasibəti ilə təbrik edib.
24saat.org
Mənbə – azadliq.org