“Mançester Yunayted”in futbolçusu Pol Poqba ilə klubun azarkeşləri arasında xoşagəlməz hadisə baş verib.

Qol.az-ın Britaniya mətbuatına istinadən yaydığı xəbərə görə, dostları ilə birgə restoranlardan birinə gedən fransalı yarımmüdafiəçidən bir neçə azarkeş avtoqraf verməsini istəyib. Ancaq Poqba bundan imtina edib. Əsəbləşən azarkeşlər Poqbanın üzərinə boşqab atıblar. Hətta oyunçuya hücum çəkməyə də çalışıblar. Restoranın işçilərinin müdaxiləsi ilə davanın qarşısı alınıb.