Siyasət
Baş nazir: Türkiyə Aİ-yə üzvlük müraciətini geri götürməyəcək
Türkiyə Avropa İttifaqına (Aİ) üzvlük barədə müraciətini geri götürməyəcək, amma Brüssel də başa düşməlidir ki, təhlükəsizliyi Ankara olmadan təmin etmək mümkün deyil.
Trend-in məlumatına görə, bu sözləri RİA Novosti agentliyinə müsahibəsində Türkiyənin Baş naziri Binəli Yıldırım deyib.
O qeyd edib:
“Biz Avropa İttifaqına üzvlük barədə müraciətimizi geri götürmək barədə qərar qəbul etməmişik. Belə bir fikrimiz də olmayıb. Avropa İttifaqı atacağı addımlar haqqında bizim üçün, öz gələcəyi naminə dərindən fikirləşməlidir. Aİ-nin gələcəyi və təhlükəsizliyi Türkiyəsiz mümkün deyil.”
