Heyvanların rifahı ilə bağlı “Dörd Pəncə” qeyri-hökumət təşkilatının rəhbərlik etdiyi beynəlxalq baytarlar qrupu uzun müddətdir xəstələnən Nur Cehanı müayinə etmək üçün Pakistanın Kəraçi şəhərinə gedib.
Ətraflı tibbi müayinə və ultrasəs müayinəsindən sonra Nurun qarnında orqanlarına təsir edən iri hematoma, çanaq sümüyündə sınıq və həmin nahiyədə böyüyən abses diaqnozu qoyulub. Filin ağır vəziyyətinin səbəbini müəyyən etdikdən sonra qrup əzab çəkən filə dərhal kömək etmək üçün dərmanlar, vitaminlər, ağrıkəsicilər və hidroterapiya tətbiq edib.
Aprelin 6-da yerli mütəxəssislərlə birlikdə Kəraçidə uğurla əməliyyat olunan Nur Cehan aprelin 13-də sağalarkən qəza keçirib. Qəzadan sonra ayağa qalxa bilməyən Nur səlahiyyətlilərin bütün cəhdlərinə baxmayaraq, bu gün dünyasını dəyişib. (DHA)
Tərcümə“24 SAAT”