Bir hərf səhvinə görə redaksiya əməkdaşları güllələndi –FOTOFAKT
Daşkənd şəhərində dərc olunan Özbəkistan SSR Kommunist Partiyası Mərkəzi Komitəsinin mətbu orqanı olan “Pravda Vostoka” qəzetinin 25 oktyabr 1944-cü il tarixli sayında bir hərf səhvi bütün redaksiya əməkdaşlarının güllələnməsiylə nəticələnib.
24.saat.org yeniavaz.com-a istinadən xəbər verir ki, mətnin başlığında, Stalinin adının qarşısındakı “Qlavnokomanduyuşemu” (“Baş komandan”) sözündə ikinci hərf – “L” hərfi düşüb və “Qavnokomanduyuşemu” (P.x komandan) kimi yazılıb…
Nəticədə, SSRİ Cinayət Məcəlləsinin 58-ci maddəsinə əsasən redaksiyanın bütün əməkdaşları həbs olunublar və daha sonra da güllələniblər.
Qəzetin çap edilmiş bütün nüsxələri köşklərdən və evlərdən tək-tək toplanaraq məhv edilib. SSRİ Xalq Daxili İşlər Komissarlığının (NKVD) əməkdaşlarının bütün cəhdlərinə baxmayaraq, 25 oktyabr 1944-cü il tarixli “Pravda Vostoka” qəzetinin 6 nüsxəsini tapmaq mümkün olmayıb. Bu nüsxələr yalnız SSRİ-nin dağılmasından sonra üzə çıxıb və hazırda həmin nüsxələr qəzet kolleksionerləri tərəfindən satın alınaraq saxlanılır.
