Yayımlandı: 17 Mart 2023 14:05

Ukrayna 16221 uşağın Rusiyaya aparıldığını iddia edir

“Euroradio”nun xəbəri

BMT-nin İnsan Haqları Şurası tərəfindən yaradılan Ukraynada pozuntuların araşdırılması üzrə Müstəqil Beynəlxalq Komissiyanın hesabatı dərc olunub.

Orada Ukraynaya qarşı müharibə zamanı Rusiya tərəfindən çoxsaylı hərbi cinayətlərin, insanlığa qarşı cinayətlərin törədilməsi və humanitar qanunların pozulması halları sadalanır. Onların arasında işgəncə, zorlama, qanunsuz həbs, qəsdən adam öldürmə, enerji infrastrukturu obyektlərinə hücumlar var.

Komissiya vurğulayır ki, ukraynalı uşaqların Rusiya tərəfindən ölkədən çıxarılması hərbi cinayətdir. Bu məsələ ilə bağlı 164 iş araşdırılıb.

Ukrayna tərəfi 16221 ukraynalı uşağın Rusiyaya aparıldığını iddia edir. Ukrayna bu uşaqların öz vətənlərinə qaytarılmasına çalışır.