Daha bir intihar cəhdi: Bankı əlindən alınan oliqarx özünü öldürmək istədi
Qazaxıstan kənd təsərrüfatı maqnatı və lisenziyadan məhrum edilmiş “Kazinvestbank”ın səhmdarı Nurlan Tleubayev intihara cəhd edib.
Publika.az xəbər verir ki, bu haqda “Exclusive jurnalı yazıb.
İntihara cəhd 2016-cı ilin dekabrında olub. Oliqarxı buna vadar edən səbəblər və hadisənin başqa təfərrüatları açıqlanmır. Ancaq nəşr qeyd edir ki, hazırda oliqarxın vəziyyəti sabit qiymətləndirilir.
Nurlan Tleubayev “Aqrosənaye Kompleks-İnvest” Korporasiyası, “Taxıl sığorta şirkəti” və “Alibi” sirkətinda paya sahibdir. 2016-cı ildə “Kazinvestbank”ın əsas səhmdarı olub. “Forbes”ə görə, Qazaxıstanda ən zəngin 22-ci şəxsdir. Onun sərvəti 256 milyon dollar qiymətləndirilir.
Qazaxıstan Milli Bankı 2016-cı il dekabrın 26-da “Kazinvestbank”ı lisenziyadan məhrum edib. Bankın rəhbərliyi öz vəzifələrindən kənarlaşdırılıb.
