Elgiz Qəhrəmanın vəsatətləri təmin edilməyib
Bu gün, aprelin 27-də Bakı Apellyasiya Məhkəməsində NİDA Vətəndaş Hərəkatının fəalı Elgiz Qəhrəmanlının şikayəti üzrə ilkin baxış iclası keçirilib.
Bunu AzadlıqRadiosu-na E.Qəhrəmanlının vəkili Fariz Namazov bildirib.
Onun sözlərinə görə, prosesdə üç vəsatət qaldırıb.
Bunlar həbsin ev dustaqlığı ilə əvəz edilməsi, onun vəkilin yanında oturması və məhkəmənin qismən istintaqla aparılması ilə bağlı olub.
Hakim vəsatətlərin heç birini təmin etməyib və mahiyyəti üzrə dinləmələri mayın 11-nə təyin edib.
Xatırlatma
E.Qəhrəmanlı 2016-cı il avqustun 12-də saxlanıb. Ona qarşı CM-in 234.4.3-cü (külli miqdarda narkotik maddənin qanunsuz dövriyyəsi) maddəsi ilə ittiham irəli sürülüb.
2017-ci ilin yanvarında Bakı Ağır Cinayətlər Məhkəməsi E. Qəhrəmanlını 5,5 il müddətinə azadlıqdan məhrum edib.
NİDA Hərəkatı həbsin siyasi motivli olduğunu bəyan edib.
24saat.org
Mənbə – azadliq.org