“Embawood” şirkətinə protokol yazıldı, məhkəməyə verildi
Azərbaycanın mebel istehsalçısı “Embawood” MMC barəsində gömrük qaydaları əleyhinə olan inzibati xəta protokolu tərtib edilib.
Banker.az bu barədə əldə etdiyi məlumata görə, bu protokol İnzibati Xətalar Məcəlləsinin 485.2-ci maddəsi ilə iddası ilə irəli sürülüb.
Protokol Yasamal Rayon Məhkəməsinə göndərilib. İşə baxan hakim Hüseyn Səfərovdur.
İXM-in 485.2-ci maddasinə görə, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə -vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
Xatırladaq ki, “Embawood” MMC 2002-ci ildə dövlət qeydiyyatına alınıb, nizamnamə kapitalı 3750 manatdır və qanuni təmsilçisi Elşad Abbasovdur.
