Natiq Cəfərli: ”Dollar dünyada bahalaşmağa başlayacaq, neft isə elə bu gün 3,5 faiz ucuzlaşdı”

Saytların yığılması

İyunun 15-də ABŞ-ın Federal Ehtiyatlar Sisteminin (FED) Açıq Bazar Əməliyyatları üzrə Komitəsinin (FOMC) iclası keçirilib.

İclasda FED uçot dərəcəsini 0,75-1 faiz səviyyəsindən 1-1,25 faizədək artırıb.

Sonuncu dəfə FED martın 15-də uçot dərəcəsini illik 0,5-0,75 faiz səviyyəsindən 0,75-1 faizədək artırıb. 2016-ci ilin dekabrın 14-də isə tənzimləyici uçot dərəcəsinin baza faiz dərəcəsini illik 0,5-0,75 faiz artırılması barədə qərar qəbul edib.

ReAL İdarə Heyətinin üzvü, iqtisadçı Natiq Cəfərli “Facebook” səhifəsində yazıb ki, FED-in toplantısında bu il daha bir dəfə faiz artımı olacağı siqnalı verildi:

“Dollar dünyada bahalaşmağa başlayacaq, neft isə elə bu gün 3,5 faiz ucuzlaşdı. Manatın başı dərddədir, milli valyuta ilə bağlı daha ciddi hadisələr payızda olacaq. Bu gün bizdə də rəsmi rəqəmlər açıqlandı, sənaye istehsalı, neft hasilatı kəskin azalıb, ÜDM düşüb, iqtisadiyyat depressiyadadır, bank-maliyyə sistemi can verir”