Həbsdə olan jurnalistlə bağlı istintaq aparılmır
Elçin İsmayılla ilə bağlı istintaq hərəkəti aparılmır. Bunu azadliq.info-ya jurnalistin vəkili Elçin Sadıqov deyib.
“Elçin İsmayıllı Cinayət Məcəlləsinin 182-ci maddəsi ilə (hədə-qorxu ilə pul tələb etmə) təqsirli bilinib barəsində cinayət işi başlanıb. Amma onun işi hazırda istintaqı yekunlaşmaq üzrə olan “Azadlıq” qəzetinin direktoru Faiq Əmirlinin cinayət işinə birləşdirilib. İttiham olunduğu maddə ilə bağlı Elçin İsmayıllı ilə istintaq hərəkəti aparılmayıb. Yalnız ondan “Azadliq” qəzeti ilə əlaqələri barədə soruşulub”,- deyə vəkil bildirib.
Elçin İsmayıllı “Azadliq” qəzetinin bölgə müxbiri olmaqla yanaşı AXCP Ali Məclisinin üzvüdür. Həmçinin təsisçisi olduğu kend.info saytının baş redaktoru olub. Onun həbsinin səbəbi kimi mətbuatda İsmayıllı rayonundan gedən tənqidi yazılar göstərilir. Həbs olunmazdan əvvəl jurnalist həbsinə hazırlıq getdiyi barədə ictimaiyyəti media vasitəsi ilə məlumatlandırmışdı.
azadliq.info
24saat.org
Mənbə – azadliq.info
