Hesabatda hər iki ölkənin hərbi əsirlərə qarşı insan haqları pozuntularına yol verdiyi, hər iki tərəfin bəzi əsirləri edam etdiyi qeyd edilib. BMT-nin İnsan Haqları Monitorinq Missiyasının rəhbəri Matilda Boqner verdiyi açıqlamada Ukraynanın ötən il fevralın 24-də başlayan müharibədə indiyədək əsir düşən və döyüşdən kənarda qalan 25 rus əsgərini öldürdüyünü bildirib. Ukraynanın paytaxtı Kiyevdə çıxış edən BMT rəsmisi Rusiyanın da eyni şəkildə 15 Ukrayna əsgərini öldürdüyünü bildirib. Boqner bəyan edib ki, bu “yerində edam”lardan 11-i Donetskdə Bəhmut cəbhəsində döyüşən rus muzdlu şirkəti “Vaqner Qrupuna” məxsus döyüşçülər tərəfindən həyata keçirilib. Bundan əlavə, BMT-nin hesabatında hər iki ölkənin əsir götürdükləri döyüşçülərə işgəncə verdiyi iddia edilirdi. Hesabat müharibədə əsir düşən 400 əsgərlə müsahibə aparılaraq yazılıb.

Saytların yığılması