24saat.org saytı xəbər verir ki, Kanal13-ün “Günün sonu” verilişinin qonağı Müasir Müsavat Partiyasının sədri Hafiz Hacıyev olub. Sualları cavablandıran Hafiz Hacıyevin sözlərinə görə, “Müasir Müsavat Partiyası ölkənin tək müxalifət partiyasıdır. Sitat: “Özünü ana, dədə müxalifət partiyaları adlandıranlar bu gün hakimiyyətdə yüksək vəzifələrdə yer tutan xəyanətkar məmurlarla birlikdə işləyirlər, işbirliyi qurublar. Məqsədləri də dövlətə, prezidentə zərbə vurmaqdır”. Sitatın sonu. Hafiz Hacıyevin sözlərinə görə, əmindir ki, müraciət etsə, xalq onun arxasınca gələcək. Tarif Şurası tərəfindən qazın, işığın qiymətinin qalxması onsuz da çətin durumda olan xalqın vəziyyətini daha da ağırlaşdırıb.
Azərbaycanda müxalifət partiyası olmaq nə deməkdir, xalq onu görəcək.
Bu gün Azərbaycanda elə durum yaranıb ki , xalıq düz sözə ,düz istiqamətə ehtiyacı var. Amma çox təəssüf ki, son günlərdə başqa partiyalardan heç bir etiraz forması olmadı. Onların etiraz elədikləri ancaq prezidentdir. Prezidentdən başqa heç bir məmurun adını çəkmirlər. Buna görədə hesab edirəm ki, tək yeganə müxalifət mənim partiyamdır. Azərbaycanı bu kökə salanlardan biri də Artur Rəsizadə və onun idarə etdiyi qocalar evidir. Hamısının başı keçmiş kominist təfəkkürlüdür və yeni ideyalar verə bilmirlər. Ziya Məmmədov kimi nazirlərdir. Ölkəni bu hala salıb və hər şeyi prezidentin üzərinə amağa çalışırlar. Ama onu deyim ki, Prezident mənim qardaşımdır. Onu təkləmək istəyirlər. Qardaşımdan sonra da mən prezident olacam. Xəyanətin qaş-gözü olmur. Bunlar prezidentə xəyanət edirlər. Bu Səlim Müslimovu ifşa etdikcə buda məni ölümlə hədəliyir. 2000 manatla milyonluq villanı necə tikiblər? Mən bunları ifşa edirəm. Kənd təsərrüfatı inkişaf etmiyib. Nəyə görə biz kartofu, taxılı qıraqdan alırıq.” Hafiz Hacıyev belə deyir.

Saytların yığılması