İlk rəsmi koronavirus məhbusu
AXCP Ali Məclisinin üzvü ” karantin rejimlərinin pozulması” ittihamı ilə şərlənib, 10 sutka azadlıqdan məhrum edildi
AXCP Ali Məclisinin üzvü Anar Məlikov Cəlilabad rayon Məhkəməsinin qərarı ilə 10 sutka müddətinə azadlıqdan məhrum edilib. O, İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə təqsirli bilinib.
Dünən Anar Məlikov Cəlilabad Rayon Polis Şöbəsinə çağrılmağı ilə bağlı özünün feysbuk səhifəsində qeyd paylaşıb. Bu gün Polis Şöbəsində onun barəsində İnzibati Xəta haqqında protokol tərtib edilərək rayon məhkəməsinə göndərilib. Cəlilabad Rayon Məhkəməsinin hakimi onu İXM-in 211-ci maddəsi ilə təqsirli bilib, 10 sutka inzibati həbs cəzası verib.
Məhkəmə iclasına Anar Məlikovun yaxınları buraxılmayıb.
Anar Məlikov koronavirusla bağlı feysbukda bir neçə paylaşım edib, Cəlilabaddakı karantin yerində mövcud çatışmazlıqları ictimailəşdirib. Onun həbsinin bununla bağlı olduğunu demək olar. Onun paylaşımlarının heç birində panika doğuracaq və yalan məlumat olmayıb. Əslində marifləndirici məlumatlar, haqlı irad və tənqidlər olub. Cəlilabad rayon Mərkəzi Xəstəxanasına karantinə alınan jurnalistin bu gün paylaşdığı materillar da onun haqlı olduğunun göstəricisidir.
24saat.org
Mənbə – azadliq.info
