İranda rejim geyimi İslam qaydalarına uyğun olmayan qadınlara münasibətini sərtləşdirir. Polisin rəsmi mətbuat orqanlarının və ədliyyə sisteminin saytı olan Mizan-ın məlumatına görə, bundan sonra ictimai yerlərdə və küçələrdə yerləşdirilən kameralar vasitəsilə qadınların hicab taxıb-baxmaması izləniləcək. Tənzimləməyə əməl etmədiyi aşkarlanan qadınların telefonlarına ala biləcəkləri cəzalar barədə məlumatların yer aldığı xəbərdarlıq mesajı veriləcəyini açıqlayan İran polisi mağaza sahiblərindən də “sosial normalara” diqqət yetirmələrini tələb edib.

Saytların yığılması

ZƏHƏRLƏNMƏ HALLARI

Digər tərəfdən, İranın Xuzistan, Ərdəbil və Qərbi Azərbaycan əyalətlərində onlarla tələbə qız zəhərlənərək xəstəxanaya yerləşdirilib. Ölkədə indiyədək 5 mindən çox tələbənin zəhərlənməsi ilə nəticələnən hallar Novruz bayramının bitməsi ilə yenidən başlayıb.