İraqın baş naziri Sudanidən ‘Kərkük’ açıqlaması
class=”mediyanet-inline-adv”>
İraqın baş naziri Məhəmməd Şia əl-Sudani İraq parlamentində kərküklü deputatları ofisində qəbul edib.
Baş nazirlik Mətbuat İdarəsindən verilən açıqlamada, Sudaninin Kərkük millət vəkilləri ilə görüşdə Kərkükdəki son vəziyyəti müzakirə etdiyi bildirilib.
Kərkükdə təhlükəsizlik, sabitlik və sosial sülhün qorunub saxlanılması lazım olduğunu bildirən Sudani, şəhərdə hücumlar həyata keçirən və nifaq salmağa çalışanların qanun çərçivəsində cəzalandırılacağını vurğulayıb.
Bir həftə əvvəl Kərkükdə Birgə Əməliyyatlar Komandanlığının əsas qərargah binasını Məsud Bərzaninin rəhbərlik etdiyi Kürdüstan Demokratik Partiyasına (KDP) təhvil verməkdən imtina edən türkmənlər və ərəblər Kərkük-Ərbil yolunu kəsiblər. Kürdlərin çoxluq təşkil etdiyi Rəhimava bölgəsində yolun açılmasını tələb edən qrup etiraz aksiyası keçirib, 4 etirazçı həyatını itirib, 14 nəfər yaralanıb.
2023-09-04 15:59:16
Tərcümə“24 SAAT”