2023-03-09 22:17:28
Rusiyanın Ukraynaya qarşı hücumları davam etdikcə, Latviya sərxoş sürücülərdən müsadirə edilən avtomobilləri dəstək məqsədilə Ukraynaya göndərəcək. Sərxoş sürücülərdən müsadirə edilən 8 avtomobildən ibarət ilk partiya bağışlanmış avtomobilləri Ukraynaya çatdıran xeyriyyə təşkilatına təhvil verilib. Avtomobillərin tezliklə sərhədi keçərək Ukrayna hakimiyyətinə təhvil veriləcəyi gözlənilir.
Keçən ilin sonunda Latviya parlamenti avtomobillərin 100 millilitr qanına 1,5 milliqram, yəni qanunla müəyyən edilmiş hədddən üç dəfə artıq olan sürücülər üçün hökumət tərəfindən ələ keçirilərək satılmasına icazə verən qanun qəbul edib. Ötən ay Latviya parlamenti dövlətə məxsus avtomobillərin Ukrayna ordusuna və xəstəxanalarına verilməsinə icazə verən qanunu təsdiqləyib. Hər il təxminən 3500 sərxoş sürücülük cinayətinin törədilməsi ilə Latviya Avropada cinayətin ən çox yayıldığı ölkələr sırasındadır. Hökumət Ukraynaya bağışlanmış avtomobillər göndərən Latviya xeyriyyə təşkilatı olan Twitter Convoy-a həftədə iyirmidən çox avtomobil çatdırmağı vəd edib.
Twitter Convoy-un qurucusu Reinis Poznaks verdiyi açıqlamada, “Heç kim bu qədər insanın sərxoş halda maşın sürəcəyini gözləmirdi. Onlar insanların içki içdiyi qədər tez sata bilməzlər. Bu səbəbdən onları Ukraynaya göndərmək fikri ağlıma gəldi. ” Ukraynaya göndəriləcək ilk 8 avtomobilin bazar dəyərinin təxminən 18 min 500 avro olduğu, sürücünün isə ələ keçirilən avtomobillərdən birinə Rusiya bayrağı yapışdırdığı bildirilib.
Tərcümə“24 SAAT”